Во објавата на социјалните мрежи во која информира за случајот, директорот Александар Пандов оцени дека ова е цената за ударот по мафијата и изрази сомнеж дека се работи за смислен атак на криминалните групи
Директорот на Управата за извршување на санкции, Александар Пандов, вечерва на социјалните мрежи објави дека е опожарена неговата викендица во скопското село Орешани во Општина Зелениково.
Случајот е пријавен и во МВР.
Полицијата потврди дека вечерва во 18:45 часот во Секторот за внатрешни работи (СВР) Скопје, А.П. (54) од Скопје пријавил дека била опожарена неговата викенд-куќа во скопско Орешени.
„Се преземаат мерки за расчистување на случајот“,
соопштија од Министерството за внатрешни работи.
Во објавата на социјалните мрежи во која информира за случајот, Пандов оцени дека ова е цената за ударот по мафијата и изрази сомнеж дека се работи за смислен атак на криминалните групи.
„Ова е данокот за нашата борба за владеење на правото без калкулации? Ова е цената за удирањето по мафијата! Домот ми беше запален и имам основано сомневање дека станува збор за смислен атак на криминалците! Нема да не запрат и нема да не поколебаат. Никој не е над законот! Нема враќање назад кога се бориш за правдата. И кога ќе тргнеш против криминалот, тој се брани со насилство. Но ова нема да ме запре — напротив, само нè зајакнува!“,
пишува директорот на Управата за извршување на санкции во објавата на Фејсбук.
Порача дека од институциите очекува да го најдат и казнат сторителот.
Во прилог на објавата на Фејсбук, Пандов објави и видеоснимка од пеплосаната викендица.