Основното јавно обвинителство во Скопје поднесе барање за двајца жители на Скопско кои не ги почитувале мерките против коронавирусот. За двајцата се бара судот да одреди казни од по 2 000 евра.
Едниот, на 18 март влегол во земјава од Бугарија и потпишал изјава дека ќе седи во самоизолација 14 дена во својот дом во селото Крушопек, но веќе наредниот ден ја прекршил таа мерка.
Вториот за кого се бара казна, пак, бил фатен како го прекршува полицискиот час. Минатата недела околу полноќ 29-годишникот со својот автомобил „голф“ се движел по локалниот пат од Кондово кон Сарај, полицијата го забележала и сакала да го провери, но тој наместо да застане за контрола продолжил да се движи.