Денешното и следното рочиште за случајот ТНТ нема да се одржат поради здравствени пречки на надлежниот обвинител, соопшти Основен кривичен суд Скопје, а продолжението на главната расправа ќе биде закажано откако за тоа ќе бидат создадени услови.
Следното рочиште беше закажано за 11 ноември.
Случајот ТНТ се однесува за уривањето на комплексот „Космос“ на инвеститорот Фијат Цановски.
За делото се обвинети повеќе лица, меѓу кои и поранешниот министер за транспорт и врски Миле Јанакиески и тогашниот градоначалник на Општина Гази Баба, Тони Трајковски, додека во отсуство му се суди на експремиерот Никола Груевски.
Рочиштето за овој предмет беше одложено и на 28 октомври бидејќи обвинетиот ексминистер Миле Јанакиески доставил решение за самоизолација поради контакт со заразен со ковид-19.
Поврзана вест:
Ковид одложува судења: Вељаноски и Ристовски во изолација, Мијалков позитивен