Одбраната на обвинетиот за сообраќајката кај „Сити мол“ тврди дека делото е сторено од небрежност, а не со умисла  

Адвокатката, пак, на оштетениот Леонид Даов, Билјана Андонова, по денешното рочиште, за медиумите изјави дека не верува во искреноста на даденото признае на возачот

Пресудата против возачот Јордан Ѓорѓиев во сообраќајката што се случи кај „Сити мол“ во Скопје на 20 јануари годинава, во која животот го загуби 24-годишната Викторија Николова, а со повреди се здоби нејзиното момче Леонид Даов, ќе биде изречена в понеделник, додека по денешното рочиште адвокатот Владимир Михајловиќ, кој го застапуваше семејството Николови, изјави дека според доказите што биле изнесени на Ѓорѓиев не му останало ништо друго освен да признае вина.

„Реално, како што беше поставен обвинителниот акт и сите докази што ги имаше прибавено обвинителството, ова признание на вина беше и повеќе од очекувано. Ова е таков кривичен предмет кој е пример за тоа како еден предмет треба да заврши по однос на изведените докази. Во ваков предмет, на вакви докази, без разлика дали ќе има признание на вина или не, тој е докажан уште пред да започне“,

изјави Михајловиќ.

Обвинетиот за сообраќајката кај „Сити мол“ призна вина за смртта на Викторија Николова

Адвокатката, пак, на оштетениот Леонид Даов, Билјана Андонова, по денешното рочиште, за медиумите изјави дека не верува во искреноста на даденото признае.

„Како оштетени сметаме дека каењето не беше искрено дадено, затоа што од моментот кога се случи несреќата до денеска никој од фамилијата на обвинетиот не стапи во контакт со оштетените да изрази сочувство или да изрази каење. Очекувано беше дека обвинетиот ќе оди со изјаснување вина, со оглед на приложените докази“,

изјави Андонова.

Кривичен: Одобрено обвинението против возачот што ја прегази 24-годишната девојка кај „Сити мол“

Застапникот на Јордан Ѓорѓиев, адвокатот Душко Јанковиќ, посочи дека оштетените никогаш не се согласуваат со признавањето вина, но вели дека Ѓорѓиев во последните три месеци чувствувал длабоко каење и имал сериозни психички нарушувања поради што примал и терапија.

На новинарско прашање дали делото е сторено со умисла, Јанковиќ рече дека се работи за небрежност бидејќи Јорданов немал намера да ја прегази сега веќе покојната Николова.

„Умисла е да сториш нешто со намера да направиш штета, во овој случај смрт кај покојната. Тоа што Јорданов возел со 17 км повеќе на час од дозволеното, иако пред една година тоа и беше регуларна брзина на булеварот, не е умисла, тоа е небрежност. Станува збор за секунда до две невнимание,

изјави Јанковиќ.

В понеделник пресуда за сообраќајката кај „Сити мол“