За два денари за литар поевтинуваат бензините, дизелот и екстра лесното масло за домаќинство
Малопродажните цени на бензините и дизелот од полноќ се намалуваат за два денари за литар, одлучи денеска Регулаторната комисија за енергетика (РКЕ).
Според одлуката на РКЕ, литар еуродизел БС-95 од полноќ ќе се продава за 78 денари, литар еуросупер БС-98 ќе чини 80 денари, а еуродизелот ќе се продава за 67 денари за литар. За два денари од полноќ поевтинува и екстра лесното масло за домаќинство и ќе се продава по 66 денари за литар.
За 1,455 денари поевтинува и мазутот, а еден килограм ќе чини 39,620 денари.