Вчера Владата поради енормното загадување даде информација дека стапуваат на сила препораките и мерките за надминување на прагот на алармирање за Градот Скопје, Кичево, Кавадарци и Струмица
Во Гостивар поради надминување на прагот на алармирање на суспендирани честички со големина до 10 микрометри и тоа надминување на вредноста од 150 микрограми на кубен метар во текот на два последователни денови стапуваат на сила препораките и мерките во случај на надминат праг на алармирање.
„Согласно Уредбата за изменување и дополнување на Уредбата за гранични вредности за нивоа и видови на загадувачки супстанции во амбиентниот воздух и прагови на алармирање, рокови за постигнување на граничните вредности, маргини на толеранција за гранична вредност, целни вредности и долгорочни цели во која е дефиниран прагот на алармирање на суспендирани честички со големина до 10 микрометри и надминување на вредноста од 150 mg/m3 во текот на два последователни денови и добиената временска прогноза од Управата за хидрометеоролошки работи, информираме дека истиот е надминат на мерното место во Гостивар“,
се вели во соопштението од Министерството за животна средина и просторно планирање.
Од МЖСПП велат дека поради проблеми со мрежните системи на Министерството и инсталација на нова серверска опрема не се достапни податоци од мерните места во Тетово и Гевгелија.
Од страна на МЖСПП доставена е информација за надминување на прагот на алармирање до Министерство за здравство, Министерство за труд и социјална политика, Државниот инспекторат за животна средина, Управа за животна средина, Сектор за комуникација со јавноста во МЖСПП, Институт за јавно здравје и до општина Гостивар за епизодата на алармантно загадување на воздухот.
Вчера, Владата поради енормното загадување даде информација дека стапуваат на сила препораките и мерките за надминување на прагот на алармирање за Градот Скопје, Кичево, Кавадарци и Струмица.
Надлежните институции добија информација од Владата дека е потребно да постапат согласно заклучоците од записникот од 40-та седница на Владата на Република Македонија одржана на 28.11.2017 година. Препораките се однесуваат на тоа да се ослободат од работа хронично болните, да се реорганизира работното време за лицата кои работат на отворено, да не се организираат спортски натпревари и други културни манифестации на отворено, инсталациите што поседуваат А – ИСКЗ дозвола да го намалат капацитетот на производство на половина, општините да ја намалат до 50 отсто употребата на службените возила, а се препорачува и ограничување на работите на градежните објекти до престанок на важење на препораките и мерките.