Пред две недели беше најадено и дека од 1 мај до 31 август привремено ќе се укинат сертификатите за влез во речиси сите затворени објекти во земјата
Грција привремено го укинува задолжителниот европски сертификат за вакцинација, прележан ковид-19 или негативен тест за влез во земјата, јави дописничката на МИА од Атина.
Од Министерството за здравство на Грција соопштија дека надлежната Комисија на епидемиолози на денешниот состанок препорачала од 1 мај да се суспендира ковид-пропусницата и да се врати исполнетоста на објектите на 100 отсто од капацитетот, како и да се суспендира сертификатот од EUDCC на влезните точки во земјата.
Сите препораки на Комисијата биле прифатени од Владата, а од Министерството за здравство на Грција додаваат дека деталите ќе бидат објаснети во новата министерска одлука што ќе биде објавена во Службен весник на Грција.
Пред две седмици, министерот за здравство соопшти дека од 1 мај до 31 август привремено се укинува и задолжителниот сертификат за влез во речиси сите затворени објекти во земјата.