Осомничениот, во периодот од летото 2022 година до 30.11.2023 година, во семејниот дом во Делчево, злоупотребувајќи ја својата положба како очув, во повеќе наврати вршел обљуба и други полови дејствија врз 15-годишно девојче искористувајќи го моментот кога мајката на девојчето не била во домот, велат од Обвинителство
Основното јавно обвинителство Кочани донесе наредба за спроведување истражна постапка против жител на Делчево за кого постои основано сомнение дека сторил продолжено кривично дело обљуба со злоупотреба на положбата од член 189 став 2 во врска со став 1 и во врска со член 45 од Кривичниот законик.
„Осомничениот, во периодот од летото 2022 година до 30.11.2023 година, во семејниот дом во Делчево, злоупотребувајќи ја својата положба како очув, во повеќе наврати вршел обљуба и други полови дејствија врз 15-годишно девојче искористувајќи го моментот кога мајката на девојчето не била во домот“,
се вели во соопштението од Обвинителството.
Оттаму велат дека јавниот обвинител до судијата на претходна постапка доставил предлог за определување мерка притвор за осомниченото лице бидејќи постои опасност од бегство, можност тој да влијае врз сведоците или да ги прикрива трагите за извршеното дело, како и да го повтори делото.