Претходно попладнево од Министерството за внатрешни работи инфромираа дека осомничениот со остар предмет ги нападнал својата 60-годишна мајка и 80-годишна баба. Од нанесените повреди, двете жени починале
Дежурен јавен обвинител од Основното јавно обвинителство Скопје извршил увид во станот на улицата Рузвелтова во кој денеска се случи двојно убиство.
Според првичните сознанија, се наведува во соопштението од Обвинителството, 40-годишен маж ги лишил од живот неговите мајка и баба.
„Со цел расчистување на настанот, јавниот обвинител ќе издаде наредби за обдукција на починатите, како и за вештачење на сите траги пронајдени на лице место“,
се наведува во кусото соопштение од Јавното обвинителство.
Претходно попладнево од Министерството за внатрешни работи инфoрмираа дека осомничениот со остар предмет ги нападнал својата 60-годишна мајка и 80-годишна баба. Од нанесените повреди, двете жени починале.
Нападот, според МВР се случил денеска попладне во 14.20 часот, а дваесетина минути подоцна полициски екипи го уапсиле 40-годишниот скопјанец со иницијали М.Ј., осомничен за двојното убиство.
Од Министерството додаваат дека по целосно расчистување на случајот против него ќе биде поднесена соодветна пријава.