Вал почина додека го следеше четвртфиналниот натпревар, соопшти Американската фудбалска асоцијација, а медиумите прецизираа дека тој починал на натпреварот помеѓу Аргентина и Холандија
Американскиот спортски новинар Грант Вал починал како последица на пукната торакална аортна аневризма, потврди неговата сопруга Селин Гаундер, пишува Дејли мејл.
„Тоа е само една од оние работи која веројатно се подготвувала со години, а поради некоја причина тоа се случи токму во овој момент“,
рекла Селин.
„Неговата смрт беше резултат на слабеење на ѕидот на артеријата што доведе до аневризма. Во Њујорк беше извршена обдукција која откри дека Вал претрпел катастрофална руптура на асцендентната аорта, која носи крв збогатена со кислород од срцето“,
стои во официјалното соопштение од семејството на Грант.
Вал почина додека го следеше четвртфиналниот натпревар, соопшти Американската фудбалска асоцијација, а медиумите прецизираа дека тој починал на натпреварот помеѓу Аргентина и Холандија. Претходно на турнирот, Вал беше повикан од катарските власти затоа што носеше маица со виножито за да покаже поддршка за ЛГБТ заедницата.
Истополовите врски се нелегални во Катар.