Обилните врнежи изминатите денови го зголемија нивото на Вардар кај Јегуновце, во Скопје и во Демир Капија

Зголемувања на водостоите се измерени и на Брегалница кај Берово и кај Штип, на Бабуна кај Богомила и на реката Струмица кај Сушево

Нивото на реката Вардар кај Јегуновце, кај Железнички мост Скопје и кај Демир Капија, е зголемено во однос на просекот за август, покажуваат резултатите од последните мерења направени од Управата за хидрометеоролошки работи.

Зголемувања на водостоите се измерени и на Брегалница кај Берово и кај Штип, на Бабуна, кај Богомила и на реката Струмица кај Сушево.

Пониско ниво од просекот за август има на вливот на Лепенец, Треска кај Македонски Брод, Крива Река кај Крива Паланка и на Пчиња кај Пелинце.

ЦУК: Се расчистуваат последиците од вчерашното невреме во Виница, Лажани и Тетово

Мерењата на УХМР покажуваат дека водостојот на Дојранското Езеро, Преспанското и на Охридското Езеро е во рамки на просекот за август.