Трамп подоцна преку својата платформа Трут сошал (Truth Social) напиша дека е погоден во горниот дел од десното уво
Поранешниот американски претседател и кандидат за нов мандат Доналд Трамп синоќа беше изнесен од митингот во Батлер, Пенсилванија, откако се слушнаа истрели од огнено оружје. На фотографиите од митингот може да се види како Трамп се држи за увото и како има траги од крв на десната страна од лицето.
Агентите од Тајната служба веднаш го опколија на бината за да го заштитат, а потоа го повлекоа во возило.
Во продолжение погледнете ги фотографиите од митингот на Трамп во Батлер, Пенсилванија, на кој имаше обид за негов атентат.
Трамп подоцна преку својата платформа Трут сошал (Truth Social) напиша дека е погоден во горниот дел од десното уво.
Тој вели дека дознал оти нешто не е во ред кога слушнал истрел и веднаш почувствувал како куршум му поминува низ кожата.
„Имаше многу крвавење, па тогаш сфатив што се случува“,
пишува Трамп.
Тој ѝ се заблагодари на американската Тајна служба за нејзиниот брз одговор и изрази сочувство на семејството на убиениот на митингот, како и на семејството на другото лице кое беше тешко повредено.
„Неверојатно е таков чин да се случи кај нас. Засега ништо не се знае за напаѓачот кој сега е мртов“,
рече тој.