„360 степени“ побара потврда на информацијата во МВР, од каде ни одговорија дека е испратено барање до правната служба, по што ќе го соопштат ставот
Привремениот министер за внатрешни работи, Агим Нухиу, на неговиот Фејсбук профил денеска објави дека ги потпишал актите со кои амблемите на полициските униформи, покрај на македонски ќе бидат испишани и на албански јазик.
„Потпишавме нормативни акти за амблеми на полициските униформи на албански јазик (сообраќајна полиција, гранична полиција, хеликоптерска полиција, одделенијата за специјални задачи…)“,
напиша Нухиу на Фејсбук.
„360 степени“ побара потврда на информацијата во МВР, од каде ни одговорија дека е испратено барање до правната служба, по што ќе го соопштат ставот.
Нухиу ја наследи позицијата министер за внатрешни работи од Наќе Чулев, кому му истече мандатот според договорот за техничка Влада. Тој досега беше заменик-министер во МВР.