Погледнете го новото издание на емисијата „360 степени“, емитувано на 21 април 2023 г. на ТВ Алсат, во кое гостуваа Маја Атанасова – правничка со експертиза во областа на работни односи во Македонското здружение на млади правници, и Снежана Камиловска Трповска – проектна координаторка во Македонскиот центар за меѓународна соработка
Ова издание на „360 степени“ е посветено на новите дискутабилни аспекти од проектот со „Бехтел и Енка“. Премиерот најави дека Владата ќе го прати договорот во обвинителството, иако е нејасно во каква постапка може да го стори тоа, зашто ниту легислативата ниту праксата знаат за нешто такво. Во исто време, под притисок на јавните реакции, од Владата стигна најава за измени на предлог-измените на Законот за работни односи кои се во собраниска процедура по скратена постапка. Според изјавата на министерката за труд, иако пратеници се предлагачи на измените, се разговара за поставување горна граница за прекувремената работа за оние што ќе бидат ангажирани во изградбата на автопатите. Гости во емисијата се Маја Атанасова – правничка со експертиза во областа на работни односи во Македонското здружение на млади правници, и Снежана Камиловска Трповска – проектна координаторка во Македонскиот центар за меѓународна соработка, кој е член на Платформата на граѓански организации за борба против корупцијата.