Според министерот за внатрешни работи, од Германија треба да бидат испорачани 100 илјади патни исправи
За една недела се очекува да пристигнат пасошите од Германија, согласно комуникацијата на МВР со фирмата која ги изработува обрасците. Ова, при посета на СВР-Тетово, го најави министерот за внатрешни работи, Наќе Чулев, како одговор на кризата со недостиг на обрасци за патни исправи со која се соочи МВР.
„Согласно договорот, пасошите треба да стигнат до 24 март. Во постојана комуникација сме и вршиме притисок до германската фирма ‘Веридос’, која ги обезбедува пасошите и од нив имаме одредено ветување дека пасошите би требало да стигнат од 7 до 10 дена, согласно договорот, што значи пред 24 март“, .
истакна Чулев.
Треба да бидат испорачани 100 илјади пасоши.
„Ќе бидат задоволени сите потреби. Како МВР уште сега имаме план за зголемен број извршители за издавање и изработка на пасошите. Согласно со капацитетите на Министерството, дневните можности се до три илјади пасоши, така што со оглед дека има побарувачка од 27 до 28 илјади пасоши, сите потреби би се задоволиле до 10 дена“,
изјави министерот.
*поврзани вести:Чулев предлага Владата со печат да ги продолжува истечените пасоши
Спасовски: Владата не може да ја продолжи важноста на пасошите