Зборувајќи на брифингот со новинарите во Москва, Захарова се закани ако која било од нордиските земји се обиде да се приклучи на безбедносната алијанса, тоа „ќе има сериозни воени и политички последици што ќе бараат од нашата земја да преземе реципрочни чекори“
Портпаролката на руското Министерство за надворешни работи Марија Захарова денеска предупреди дека пристапувањето или на Финска или на Шведска во НАТО ќе предизвика сериозен одговор од Москва.
💬#Zakharova: We regard the Finnish government’s commitment to a military non-alignment policy as an important factor in ensuring security and stability in northern Europe.
— MFA Russia 🇷🇺 (@mfa_russia) February 25, 2022
☝️Finland’s accession to @NATO would have serious military and political repercussions. pic.twitter.com/eCY5oG23rL
Зборувајќи на брифингот со новинарите во Москва, Захарова се закани ако која било од нордиските земји се обиде да се приклучи на безбедносната алијанса, тоа „ќе има сериозни воени и политички последици што ќе бараат од нашата земја да преземе реципрочни чекори“, објавија руските новински агенции, пренесе Би-би-си.
„Ние ја сметаме посветеноста на финската Влада на воена политика на неутралност како важен фактор за одржување безбедност и стабилност во северна Европа“,
рече Захарова.
Финска соработува со безбедносната алијанса за некои прашања и присуствуваше на денешниот состанок во Брисел, иако официјално не е членка на блокот.
Минатиот месец, премиерката Сана Марин рече дека е „многу малку веројатно“ Финска да аплицира за членство во НАТО за време на нејзиниот мандат.