Новата цена на еуросупер БС-98 ќе биде 83 денари, а на екстра лесното масло за домаќинство 68 денари за литар. Цената на еуросупер БС-95 останува 80,5 денари за литар и на дизелот 69 денари за литар
Од ноќеска на полноќ ќе има нови, повисоки цени на бензинот еуросупер БС-98 и на екстра лесното масло за домаќинство и тие ќе се продаваат за половина денар поскапо.
Цената, пак, на еуросупер БС-95 и еуродизелот останува непроменета.
Согласно денешната одлука на Регулаторната комисија за енергетика, новата цена на еуросупер БС-98 ќе биде 83 денари, а на екстра лесното масло за домаќинство 68 денари за литар. Цената на еуросупер БС-95 останува 80,5 денари за литар и на дизелот 69 денари за литар.
Малопродажната цена на мазутот се зголемува за 0,742 денари и сега ќе изнесува 40,175 денари за килограм.
Од РКЕ посочуваат дека референтните цени на нафтените деривати на светскиот пазар во споредба со претходната пресметка бележат зголемување и курсот на денарот во однос на доларот е повисок за 0,145 проценти.