80 милиони евра од ЕУ се за фискален стимул за стопанството и граѓаните, а 100 милиони евра се од ЕИБ за евтини кредити за мали и средни претпријатија
Министерството за финансии попладнево соопшти дека се обезбедени нови 180 милиони евра финансиска поддршка за надминување на кризата предизвикана од коронавирусот.
Од нив 80 милиони евра се од ЕУ за фискален стимул за стопанството и граѓаните и 100 милиони евра од ЕИБ за евтини кредити за мали и средни претпријатија.
Во меѓувреме, денеска е префрлена втората транша од 80 милиони евра, од вкупно 160-те милиони евра макрофинансиска помош од Европската Унија за надминување на кризата, а во Собранието,пак, е усвоен законот за нови 100 милиони евра од Европската инвестициска банка за евтини кредити за мали и средни претпријатија, кои ќе се пласираат преку деловните банки.
Од Министерството најавуваат дека во текот на месецов треба да се потпише финансискиот договор со ЕИБ за ставање во функција на овие 100 милиони евра.