Бројот на новозаболени во Грција и понатаму од ден на ден се зголемува, за денеска да достигне до 153 нови случаи, регистрирани во 20 различни делови на земјата, јави дописничката на МИА од Атина.
Националната организација за јавно здравје на Грција соопшти дека се регистрирани 153 нови случаи, од кои 11 по направените тестови на влезните точки во земјата, со што бројот на заразени од почетокот на епидемијата се зголеми на 5.123 лица. Од ковид-19 досега во Грција починаа 210 лица. Денеска не е регистриран ниту еден смртен случај предизвикан од коронавирус.
Според грчките медиуми, повеќе од половина од денешните случаи се во Атина и Солун, 40 и 38, 14 се во Лариса, осум кај вработени во бич бар на островот Миконос, седум се кај туристи кои доброволно се тесирале за време на нивниот престој во земјата, а од останатите четири случаи се од различни делови на земјата.