Во Германија досега се регистрирани 145 694 заразени со новиот коронавирус и 4 879 починати
Носењето маска станува задолжително во сите покраини во Германија. Бремен беше последната покраина која во средата најави таква обврска. Oдлуката за тоа ќе биде донесена утре (петок), а носењето маски ќе биде задолжително од понеделник, соопшти портпарол на покраинската влада.
Од понеделник почнува задолжителното носење маски и во Северна Рајна Вестфалија, Рајнланд Пфалц, Долна Саксонија, Сар и Бранденбург. Во сите покраини ќе мора да се носат маски во јавниот сообраќај и, со исклучок на Берлин, во продавниците, јавува „Дојче Веле“.
Носењето маски на средбата на покраинските премиери и канцеларката Ангела Меркел минатата недела беше препорачано, но не и ставено како обврска во заклучоците.
Во Германија досега се регистрирани 145 694 заразени со новиот коронавирус и 4 879 починати. Во средата беше известено за 281 жртва во споредба со 194 во вторникот.
*поврзана вест (ВИДЕО) Рестриктивните мерки се заменуваат со меки мерки за јакнење на личната заштита
*поврзана вест Владата донесе уредби за пазарување во дуќани и за одржување ред во банки и пошти