Ружица Николовска од ВМРО-ДПМНЕ во предизборно соочување на „360 Степени“ со претставниците на четирите најголеми политички блока даде оценка за владеењето на СДСМ и состојбата во правосудство и борбата против корупцијата и криминалот.
„Ако сакаме да кажеме како е состојбата денес во правосудството, а особено во последниот период откако СДСМ е на власт, тоа ќе го кажам во една реченица. Тоа е систем кој е во заложништво на власта на СДСМ. Имаме еден хибриден политички и правен систем, односно режим и заробена држава. За жал, она за што можеме со жалење да го констатираме е дека ништо не се случи со промената на власта, освен што го измислија слоганот „Нема правда, нема мир“. Ништо што беше ветено не беше реализирано, ниту пак се обидоа да го остварат. Сите сме свесни колкави скандали го тресат целиот правосуден систем и целото судство. Ќе наведам само неколку. Тргнувам од тоа кога господинот Зоран Заев се прогласи за реформатор, односно за претседател на Советот за судски реформи. И знаете што? Тоа е незамисливо во една демократска држава. Па да се работеше за врвен правник, немаше да биде ниту етичко ниту морално да биде на таква позиција, а камо ли за човек кој воопшто не е правник. Понатаму, се соочивме со најголемата и најкриминалната рекетарска афера во историјата на Република Македонија од нејзиното осамостојување. Видовме како се договара и преговара за милионски суми, како се бараат пари, како се рекетираат пари. И знаете што е најтрагично? Што не значи дека апсењето на Катица и на Боки Јовановски-Боки 13 дека е завршеток и дека е разрешување на состојбата. Да не зборувам за други скандали како Дијамед, огромни меѓународни скандали за огромни суми пари“,
вели Николовска.