Нетанјаху е првиот странски гостин на Трамп, поканет во Белата куќа на 4 февруари

Средбата треба да се одржи во услови на кревок шестнеделен прекин на огнот што донесе привремена пауза во 15-месечните борби во Појасот Газа меѓу Израел и палестинската група Хамас, која САД и Европската Унија ја сметаат за терористичка организација

Израелскиот премиер Бенјамин Нетанјаху изјави дека Доналд Трамп го поканил да ја посети Белата куќа на 4 февруари, со што стана првиот странски лидер поканет од американскиот претседател во неговиот втор мандат.

Трамп претходно изјави дека Нетанјаху ќе дојде во САД многу наскоро, но не кажа кога ќе се одржи средбата.

Средбата треба да се одржи во услови на кревок шестнеделен прекин на огнот што донесе привремена пауза во 15-месечните борби во Појасот Газа меѓу Израел и палестинската милитантна група Хамас, која САД и Европската Унија ја сметаат за терористичка организација.

Израел е најголемиот примател на американска воена помош, а за време на средбата во Вашингтон, Нетанјаху веројатно ќе го охрабри Трамп да не задржува некои испораки на оружје како што тоа го правеше администрацијата на Џо Бајден, дури и кога продолжи со другите пратки и целокупната воена поддршка.