Од МВР додаваат дека Секторот за компјутерски криминал презема мерки за санкционирање на сторителите
Министерството за внатрешни работи (МВР) апелира граѓаните да не наседнуваат на пораки кои непознати сторители до нив ги испраќаат во име на МВР и Европол во врска со наводна тековна истрага.
„Секторот за компјутерски криминал апелира граѓаните и правните субјекти да не отвораат прикачени документи во прилог на пораки што не доаѓаат од верификувани и за нив познати испраќачи, да не наседнуваат на измами од ваков тип и правните субјекти да преземат соодветни мерки за заштита на нивните компјутерски системи од потенцијален малициозен софтвер согласно нивните интерни процедури за сајбер безбедност“,
велат од Министерството за внатрешни работи.
Од МВР додаваат дека Секторот за компјутерски криминал презема мерки за санкционирање на сторителите.