Светската здравствена организација (СЗО) ги предупреди државите ширум светот да не ги укинуваат прерано мерките што се воведени заради спречување на ширењето на ковид-19.
Директорот на СЗО, Тедрос Гебрејесус, наведе неколку неопходни критериуми до кои земјите треба да се држат при разгледување на укинувањето на мерките на (физичка) социјална дистанца, пренесуваат светските медиуми.
Првиот критериум е пренесувањето на вирусот да мора да биде под контрола, а вториот е дека треба да постојат капацитети на здравствениот систем за откривање, изолација и лекување на пациентите.
Третиот критериум е ризикот од зараза во болниците и во старските домови да се сведе на минимум, а четвртиот е превентивните мерки да бидат во сила и во училиштата и на работните места, наведе Тедрос.
Тој истакна и дека ризикот од увоз на болеста од странство треба да биде под контрола.