НАСА повторно ја одложи големата мисија околу Месечината поради технички проблеми со лансирањето на ракетата наречена „Артемида“. Како што беше соопштено, инженерите повторно забележале гориво кое истекува и неколку часа се обидуваа да го санираат проблемот со ракетата, што денеска требаше да биде лансирана од космодромот Кејп Каневерал.
Ова е втор неуспешен обид за лансирање на ракетата, откако на 29 август беше стопирано лансирањето поради проблеми со сензор на моторите и истекување на гориво.
Целта на ракетата висока речиси 100 метри ќе биде да фрли капсула во правец на Месечината, нешто што не се случило од крајот на проектот Аполо во 1972 година.