Непознати сторители изминатите неколку дена украле најмалку три вонбродски мотори и друга опрема од пловни објекти закотвени во Студенчишкиот канал во Охрид. Крадците со алат ги разбивале преградите во пловилата каде се чува опремата, а сомнежите се дека бројот на оштетени лица е поголем.
Кражбата ја забележал еден од сопствениците на чамец, кој случајот го пријавил во полиција.
Оштетените лица сметаат дека се работи за однапред смислен план бидејќи моторите се украдени во период кога значително е намалена фреквенцијата на движење во тој дел од градот. Некои од сопствениците сметаат дека кражбата била извршена со друг пловен објект.
Од СВР Охрид го потврдија случајот, со напомена дека бројот на оштетени лица може да е поголем.