Одборот бара од компанијата „да го разгледа ова прашање, да утврди и образложи пропорционална казна што е во согласност со правилата што се применуваат и за други корисници на платформата“
Фејсбук ги суспендираше профилите на Доналд Трамп по упадот на неговите приврзаници во Капитол на 6 јануари, денот кога Конгресот требаше да ја потврди победата на Џозеф Бајден на претседателските избори
Надзорниот одбор на Фејсбук денеска ја поддржа одлуката на компанијата да ги суспендира профилите на поранешниот претседател на САД, Доналд Трамп, на Фејсбук и Инстаграм.
Како што пренесуваат американските медиуми, сепак одборот смета дека забраната на неодредено време „не е соодветна“. Поради тоа бараат Фејсбук „да го разгледа ова прашање, да утврди и образложи пропорционална казна што е во согласност со правилата што се применуваат и за други корисници на платформата“.
Телото побара од Фејсбук да ја заврши ревизијата во рок од шест месеци и даде препораки за тоа како да се формулира јасна политика што претставува рамнотежа помеѓу јавната безбедност и слободата на изразување.
„Ќе ја разгледаме одлуката на одборот и ќе утврдиме што е јасно и пропорционално. Во меѓувреме, профилите на г. Трамп остануваат суспендирани“,
соопшти Фејсбук.
Фејсбук ги суспендираше профилите на Доналд Трамп по упадот на неговите приврзаници во Капитол на 6 јануари, денот кога Конгресот требаше да ја потврди победата на Џозеф Бајден на претседателските избори.
Пет лица беа убиени непосредно пред, за време или по нападот, а повеќе од 140 беа повредени. Повеќе од 300 лица се обвинети за учество во нападот, а најмалку 280 се уапсени.