Податоците покажуваат дека во септември најбројни биле странските гости – 75,1 процент од вкупниот број посетители, додека 24,9 проценти биле домашни туристи
Вкупно 136 305 туристи престојувале во земјава во текот на септември 2026 година, при што оствариле 264 370 ноќевања, објави Државниот завод за статистика (ДЗС).
Податоците покажуваат дека во септември најбројни биле странските гости – 75,1 процент од вкупниот број посетители, додека 24,9 проценти биле домашни туристи. Во однос на бројот на ноќевања странците учествуваат со 66,2 проценти, а домашните гости со 33,8 проценти.
Најголем дел од странските туристи во септември пристигнале од Турција – вкупно 27 933 посетители. На листата на најбројни туристи се и од Србија – 8 358 туристи, Германија – 6 633 туристи и Полска со 4 656 туристи
За периодот јануари – септември 2026 година податоците покажуваат раст на туризмот од три проценти во споредба со истиот период минатата година. Притоа, бројот на домашните туристи бележи зголемување од 2,8 проценти, а на странските за 3 проценти.
Во истиот период, вкупниот број на ноќевања е зголемен за 3,5 проценти. Кај домашните туристи растот на ноќевањата изнесува 2,4 проценти, додека кај странските гости е евидентиран пораст од 4,6 проценти.