Од Клиниката за гинекологија и акушерство соопштиле дека случајот е евидентиран и пријавен како несакан настан, а во текот на вчерашниот го разгледала и Комисијата за квалитет. Дополнително, од ГАК информираат дека во врска со случајот е закажана седница на Дисциплинската комисија, со цел целосно и објективно да се утврди фактичката состојбата, околностите под кои настанала повредата и утврдување на индицидуална одговорност
На новороденче старо два дена на Универзитетската клиника за гинекологија и акушерство (ГАК) во Скопје со ножици му бил отсранет дел од прст при вадење на инфузија, објавија дел од медиумите. По настанот, бебето веднаш било пренесено на Клиниката за детска хирургија, каде по интервенцијата му е санирана повредата.

За случајот во изјава за телевизија Сител посведочи таткото на новороденчето, кој вели дека откако отишол да ги земе него и неговата сопруга од Клиниката, два часа не знаел што се случува со неговата, пред два дена, родена ќерка.
Според информациите на медиумите, немилиот настан се случил додека медицинска сестра се обидувала со ножици да ја отстрани самолепливата лента со која била прицврстена инфузијата.
„Отидов да ја земам жената. Ги направив документите и се што е потребно за да ги отпуштат, но час, час и половина не ги пуштаа. Прашував што е работата, па ми рекоа: ‘Чекајте малку’. Имаше инфузија со лепак, и тие сакале да го извадат лепакот со ножици. Потоа дојде професорот и рече дека веднаш бебето треба да биде однесено на операција затоа што имало крварење. Професорот ми кажа дека ќе функционира, но детето нема да има околу еден сантиметар од простот“,
вели Аднан Азизи, татко на новороденчето во изјавата за телевизија Сител.
Тој додава дека ќе бара правна разрешница на случајот, посочувајќи истовремето оти не му е важна паричната отштета, туку правдата за неговото дете, како и вакви ситуации да не се повторуваат во иднина.
Од Универзитетската клиника за гинекологија и акушерство за медиумите го потврдиле случајот.
„Заради крварење, заради повреда, инициран е трансфер на Клиниката за детска хирургија и раната на прстот на пациентчето е обработена хируршки во операциона сала. После хируршката обработка, бебето примаше соодветна терапија и денеска е испишано на домашно лекување“,
изјави д-р Лазе Јовчески, директор на Клиника за детска хирургија, за телевизијата Сител.
Од Клиниката за гинекологија и акушерство соопштиле дека случајот е евидентиран и пријавен како несакан настан, а во текот на вчерашниот го разгледала и Комисијата за квалитет. Дополнително, од ГАК информираат дека во врска со случајот е закажана седница на Дисциплинската комисија, со цел целосно и објективно да се утврди фактичката состојбата, околностите под кои настанала повредата и утврдување на индицидуална одговорност.
Оттаму нагласуваат дека ваквите настани се третираат со највисок степен на сериозност и дека нема да има толернција за евентулано утврдени пропусти во постапувањето.
„Доколку се утврди одговорност, ќе бидат преземени најстроги мерки во согласност со законските прописи“,
соопштиле од Клиниката.
