Министерството за здравство штотуку објави дека на Инфективната клиника во Скопје е во тек тестирање за коронавирус на едно лице со симптоми на грип.
„Пациентот има лесна клиничка слика, нема покачена телесна температура и неговата состојба е стабилна. Се работи за лице кое денеска со попладневниот лет од Милано пристигнало во Скопје. Патникот поминал низ термалната камера, која кај него не дијагностицирала симптоматологија на болест. И самиот пациент, првите симптоми ги почувствувал по доаѓањето дома, по што се јавил на Инфективната клиника во Скопје и бил примен во 22:00 часот. Од неговото пристигнување на клиниката, пациентот е ставен во изолација, а во моментов кај него се прават тестови согласно утврдениот протокол. Резултатите се очекуваат во следните два часа, за што веднаш ќе ја известиме јавноста“,
се вели во соопштението на Министерството за здравство..
Според извори од Клиниката, станува збор за италијански државјанин.
Инаку, вчера, доцна попладне на социјалните мрежи се појави шпекулација дека коронавирусот пристигнал и во Македонија а сомнежите ги зголемија информациите кои се споделуваа околу засиленото и робусно полициско присуство во и околу Клиничкиот центар.
Министерот Филипче во својата првична реакција на твитер, објавена во 20 часот и 7 минути ја демантираше оваа информација.
*Поврзана вест Тестот е негативен, лицето примено на Инфективната клиника во Скопје нема коронавирус
*Поврзана вест: Кризен штаб и засилени гранични контроли за превенција од коронавирусот