Според ажурираните упатства, платформата ќе им овозможи на корисниците да споделуваат сексуална содржина сè додека таа е јасно означена
На платформата Икс отсега и официјално ќе биде дозволено поставување порнографска и насилна содржина. Прикажувањето на порнографски и насилни содржини ќе биде блокирано за корисниците на возраст под 18 години и оние корисници кои ќе одлучат дека не сакаат да се прикажуваат такви содржини, пренесува „Гардијан“.
Компанијата вчера објави нови политики кои го формализираат она што може да се види на платформата.
Одлуката доаѓа откако во светот расте притисокот од регулаторот за платформи кои ќе ги спречат децата да пристапат до несоодветна содржина на социјалните мрежи.
We have launched Adult Content and Violent Content policies to bring more clarity of our Rules and transparency into enforcement of these areas. These policies replace our former Sensitive Media and Violent Speech policies – but what we enforce against hasn’t changed.
— Safety (@Safety) June 3, 2024
Adult…
Корисниците кои објавуваат содржини за возрасни, вклучително голотија и секс, сега од Икс добија барање да ги приспособат своите медиумски поставки така што нивните слики и видеа ќе бидат поставени зад предупредување за содржина пред да можат да се видат.
Според ажурираните упатства, платформата ќе им овозможи на корисниците да споделуваат сексуална содржина сè додека таа е јасно означена.
Корисниците на возраст под 18 години или оние што не го вклучуваат датумот на раѓање во својот профил нема да можат да ја гледаат оваа содржина. Икс посочи дека ќе открие што објавуваат корисниците наведувајќи дека ако корисниците не ги означат соодветно порнообјавите, тогаш „ќе ги приспособи поставките на сметката за корисникот“.
Слични правила се во сила за насилни содржини, вклучително и насилен говор, т.е. оние што се закануваат, поттикнуваат, величат или изразуваат желба за насилство или повреда.