МВР контра Мицкоски за инцидентот кај Скендер Бег: Полицијата беше на самото место, во истиот момент реагираше и го спречи насилството

Од МВР го посочуваат видеото каде како што се вели, точно се гледа колку брзо повеќе од десет припадници на полицијата реагираат и спречуваат поголем инцидент

Министерството за внатрешни работи (МВР) вечерва ги демантира тврдењата на претседателот на ВМРО-ДПМНЕ Христијан Мицкоски, кажани на прес-конференцијата, дека полицијата не била присутна и не реагирала при инцидентот кај плоштадот „Скендер Бег“.

„Напротив, полицијата беше на самото место, во истиот момент реагираше и го спречи насилството, а едно лице веднаш беше приведено кое е осомничено за пукање од огнено оружје. За време на протестите полицијата е целосно на ниво на задачата и апелираме партиите да престанат да со дезинформации“,

наведуваат од МВР.

Од МВР го посочуваат видеото каде како што се вели, точно се гледа колку брзо повеќе од десет припадници на полицијата реагираат и спречуваат поголем инцидент.

(ВИДЕО) Мицкоски обвини за полициска монтажа кај Скендер Бег: Целта беше убиство на некој недолжен граѓанин, мајка со дете, пензионер, млад човек или мое убиство

Протестот насловен како „Ултиматум – не благодарам“ вечерва започна од Владата, па преку МНР до Собранието. Додека демонстрантите поминуваа кај плоштадот Скендер бег дојде до судир со лица кај Старата Чаршија, летаа камења и други предмети, искршени се излози, поради што интервенираше и полицијата.