Имаше список. Скицата изгледа како да е од видеоигра или од хорор-филм, што укажува дека планирал детално по одделенија како да влезе во училиштето, во која училница и како и кое дете да ликвидира, изјави началникот на полицијата во Белград
Неми сме исправени пред огромната трагедија која предизвикува тага и болка, изјави денеска началникот на полицијата во Белград, Веселин Милиќ, кој на прес-конференција соопшти детали за денешното пукање од страна на 14-годишен ученик во школо во белградската општина Врачар, а во кое беа убиени најмалку осум ученици и чуварот.
Тој соопшти дека утрово околу 8:40 прва во полиција се јавила заменик-директорката Иванка Јовановиќ и рекла дека ученик влегол со огнено оружје и дека пука по случаен избор. Полициски патроли веднаш се упатиле на терен. Две минути подоцна, откако пукало, се јавило и момче кое се претставило како Коста Кецмановиќ, а тој подоцна беше идентификуван како напаѓачот од училиштето.
„Во 8:42 се јави Н.Н. лице и се претстави како Кецмановиќ Коста. Рече дека пукал во повеќе лица во Основното училиште ’Владислав Рибникар‘, на улицата ’Крал Милутин‘ број 10. Со доаѓањето на полицијата на самото место утврдено е дека дошло до употреба на огнено оружје од страна на наведеното момче кое се јави во нашата дежурна служба. Настрадале осум ученици, од кои седум девојчиња и едно момче“,
рече Милиќ.
Тој со иницијали ги наведе идентитетите на убиените деца од кои пет се родени 2009, едно 2010, а едно 2011 година. Началникот истакна и дека се повредени уште четири момчиња и две девојчиња, како и една наставничка.
Оружјето со кое пукал малолетникот го зел од својот татко, а во ранецот му биле пронајдени и четири молотови коктели.
Милиќ нагласи дека нападот бил планиран.
„Ова е планирано еден месец претходно. К.К. тоа го планирал подолго време, мотивот не ни го соопшти. Огненото оружје го зел од станот на својот татко, а донел и четири молотови коктели“,
рече Милиќ.
Тој соопшти и дека извршителот имал и список и скица.
„Имаше список. Скицата изгледа како да е од видеоигра или од хорор-филм, што укажува дека планирал детално по одделенија како да влезе во училиштето, во која училница и како и кое дете да ликвидира“,
изјави началникот на полицијата.
Овој настан Милиќ го оцени како невиден во српската историја. Сум бил на илјада увиди, вели тој, но вакво нешто е незапаметено.
Поврзани вести:
- (ВИДЕО) Мајка на ученичка по масакрот во Белград: Моето дете е уште во шок, под адреналин, не можеме да го смириме
- Видов како чуварот паѓа на под, почнав да трчам – исповед на девојче што било сведок на пукањето во училиштето во Белград
- (ВИДЕО) Во пукањето во училиште во Белград убиени осум деца и чуварот – насобраните родители не можат да дојдат до децата
- (ФОТО+ВИДЕО) Со црна јакна на главата, полицијата го спроведе ученикот што пукаше во школо во Белград
- Познат идентитетот на убиецот од Врачар: Коста Кецмановиќ, кој уби најмалку шест соученици, учествувал на многу училишни натпревари
- Шестмина починати во пукањето во училиштето во Белград, учениците во шок: Сите почнаа да викаат, настана паника
- Малолетник влегол во училиште во Белград и почнал да пука, има починати и повредени