Над 2 170 граѓани досега одлучиле да ги донираат парите кои им се враќаат од повратот на платениот ДДВ, односно од скенираните фискални сметки, покажуваат податоците на апликацијата „Мој ДДВ“, иако тие се менуваат постојано.
Преку оваа апликација, корисниците можат да изберат опција скенирај/донирај, односно дали ќе си ги задржат парите кои ќе се исплатуваат за скенираните сметки за првото тримесечје односно за јануари, февруари и март.
„За остварениот износ за поврат на ДДВ во првото тримесечје во оваа година, граѓаните ќе имаат можност да изберат опција за донирање на дел од данокот на додадена вредност за кој имаат право на враќање, најдоцна до 5-ти мај 2020 година“,
информираа од Владата.