Откако Владата на седница донесе и официјална препорака да се откажан јавните настани и собири до 6 март поради корнавирусот, дел од организаторите ги откажаа настаните.
Македонскиот народен театар (МНТ) и Театар „Комедија“ објавија дека ги откажуваат сите претстави до тој датум. Откажан е и музичкиот фестивал „Мозаик“ кој вечерва требаше да се одржи во А1 Арената во Спортскиот центар „Борис Трајковски“ на кој требаше да настапат десетина музичари. Организаторите на овој настан најавија дека дополнително ќе известат за нов датум.
Меѓу откажаните собири е и протестот против климатските промени на „Петоци за иднината“, кој беше најавен за денеска попладне.
Ракометниот клуб Вардар, пак, утрешниот натпревар против Момпеље од Лигата на шампионите ќе го игра пред публика, објавија од раководството.
Како што информиравме вчера, се откажаа и карневалите во Струмица и во Прилеп. Министерот Венко Филипче на попладневната прес-конференција рече дека овие карневали се откажуваат бидејќи проценката е дека многу луѓе кои живеат и работат во Италија се вратени во земјава овој период и можат да присуствуваат на овие настани, како и други странски туристи.
„Во овој момент нема ниту една епидемиолошка причина да се воведе строга забрана за било каков јавен настан на кое било друго место. Затоа ги потенцираме овие два настани“,
рече Филипче.
Од истите причини тој апелираше и до организаторите на спортските натпревари да ги откажат настаните, велат од Владата.