Многу топло време до недела, кога се очекува мало освежување

Во сабота претпладне ќе биде сончево и топло со мала до умерена облачност. Попладне и во вечерните часови ќе има локален развој на нестабилна облачност проследена со пороен дожд, грмежи и засилен ветер

Ова ќе придонесе за пад на температурата во недела, кога се очекуваат максимални 31 степен и сончево време со мала до умерена локална облачност

Денеска ќе имаме сончево и топло време со мала до умерена локална облачност, а ќе дува слаб до умерен ветер од јужен правец, информира Управата за хидрометеоролошки работи (УХМР). Температурата ќе се искачи до 37 степени. Исто време нѐ очекува и во главниот град.

Утре ќе биде претежно сончево и многу топло со слаб до умерен ветер од јужен правец. Се очекуваат температури до 39 степени. Во Скопје, сончево и многу топло со слаб до умерен јужен ветер.

Во петок ќе биде уште потопло кога температурата се очекува да се искачи до 40 степени, а ќе биде сончево и многу топло. Ќе дува слаб до умерен ветер од јужен правец.

Во сабота претпладне сончево и топло со мала до умерена облачност. Попладне и во вечерните часови ќе има локален развој на нестабилна облачност проследена со пороен дожд, грмежи и засилен ветер. На места процесите ќе бидат поинтензивни во форма на невреме.

Ова ќе придонесе за пад на температурата во недела, кога се очекуваат максимални 31 степен и сончево време со мала до умерена локална облачност.