Лидерот на опозициската ВМРО-ДПМНЕ, Христијан Мицкоски, вели дека во Софија на средбата меѓу министрите за надворeшни работи на Бугарија и Македонија, Екатерина Захариева и Бујар Османи, од бугарската страна било побарано редефинирање на македонската нација.
„Да го прашаме министерот за надворешни работи, Бујар Османи, дали е точно дека барањето од страна на неговата колешка било практично да се потпише нов договор кој ќе биде сличен на Преспанскиот, со уставни измени, каде ќе се дефинира постоењето на македонската нација и јазик од 1945 наваму, а пред 1945 дека сме биле нешто друго. Еве да го прашаме дали ова е точно и дали е ова услов за понатамошно продолжување на преговорите“,
рече Мицкоски во вечерашното интервју на Канал 5.
По ова, министерот Османи во изјава за Плусинфо вели дека нема да коментира шпекулации, иако му било посочено дека станува збор за изјава на опозицискиот лидер.
„Не можам да коментирам шпекулации“,
одговорил Османи преку смс-порака.
Мицкоски во интервјуто рече дека меѓу Македонија и Бугарија не е проблем само Гоце Делчев, туку дека има низа на проблеми.
„Треба внимателно да ги следиме и да реагираме. Затоа овој пат ни треба поддршката од целата македонска јавност. Ние не смееме да оставиме политичари кои буквално да дивеат спасувајќи ги своите политички кариери, а уништувајќи ја современата македонска држава“,
рече Мицкоски.
*Поврзани вести: