Мицкоски им порача на Петровска и на останатите кои, според него, се молеле акцијата да биде неуспешна и брифирале погрешни информации за јавноста, дека на оваа тема ќе зборуваат погласно по 12 април
Лидерот на ВМРО-ДПМНЕ, Христијан Мицкоски, вели дека не е точно тврдењето на дополнителката заменик-министерка во МВР, Славјанка Петровска, дека италијанските власти му реагирале на министерот Наќе Чулев за издавање информации во јавноста за акцијата за заплена на кокаин во селото Крушопек, општина Сарај.
„Акцијата се случи по три години мораторим во борбата со криминалот и кокаинот. Тоа е информација од заменичката Петровска, но ако ги прашате нашите сојузници во Италија ќе добиете поинаков одоговр од тоа што именуваната го изјавува на ‘360 степени’“,
рече Мицкоски на денешната прес-конференција.
Тој ѝ порача на Петроска и останатите кои, според него, се молеле акцијата да биде неуспешна и брифирале погрешни информации за јавноста, дека на оваа тема ќе зборуваат погласно по 12 април.
Изјавата на Петровска беше дадена во синоќешното гостување во емисијата „360 степени“ на Алсат ТВ.
„Со издавање на информациите однапред и соопштување дека станува збор за огромна акција од страна на министерот Чулев, се информирани и структури што не треба да бидат информирани во тој момент дека во нашата земја се одвива акција“,
вели Петровска.
Според неа, најголеми последици за акцијата имало во Босна и Херцеговина, каде исто како и во земјава, била следена контролирана пратка на кокаин.
„И на крај, бидејќи акцијата е пробиена, не е постигнат посакуваниот ефект ододносно она што италијанските власти очекувале дека ќе се случи“,
вели дополнителната заменик-министерка во МВР.