Според соопштението од ВМРО-ДПМНЕ, на средбата тие разговарале и тешката зима што е пред нас на енергетски план за што Мицкоски ја обвинил владата дека не ги прави потребните чекори за навремено да обезбеди енергенси
Лидерот на ВМРО-ДПМНЕ, Христијан Мицкоски, заедно со потпретседателот на партијата, Александар Николоски, отпатува за Будимпешта каде денеска се сретнал со премиерот на Унгарија и претседател на нивната сестринска партија ФИДЕС, Виктор Орбан.
Според соопштението од ВМРО-ДПМНЕ, тие на средбата разговарале за ЕУ интеграцијата на Македонија и Мицкоски го истакнал ставот дека таа e неопходнa за македонскиот народ, но треба да биде достоинствена и со зачувување на идентитетските обележја.
„Забележано беше дека Македонија и ЕУ ги очекува најтешката зима во историјата, со големи потешкотии на енергетски план, во снабдувањето со енергенси. Претседателот Мицкоски нотираше дека владата во Македонија не ги прави потребните чекори во справување со енергетската криза, не се обезбедуваат навремено јаглен, мазут, гас и нафтени деривати, туку кога ќе дојде пикот на кризата се даваат големи суми на пари неколкукратно над тоа што можело да се потроши ако на време се обезбеделе истите тие ресурси“,
соопштија од ВМРО-ДПМНЕ.
Од опозициската партија додаваат дека разговарале и за проблемите со мигрантската криза.