Тој вели дека е задоволен од првата година на градоначалниците од неговата партија
На минатите избори излегов како носител на кампањата и како кандидат за премиер, што можеби од денешна перспектива беше погрешен потег и чекор. На овие избори ќе бидам на една од листите како носител и потенцијален мандатар за состав на идната влада, вели лидерот на ВМРО-ДПМНЕ, Христијан Мицкоски, во интервју за „Република“.
Тој вели дека е задоволен од првата година на градоначалниците од неговата партија.
„Секогаш може повеќе, но врз основа на можности со кои располагаа и на условите во кои работеа, многу сум задоволен. Кај ниту еден нема некаква афера или злоупотреба. Луѓето работат согласно принципите што ги договаравме, чесно, одговорно, посветено, храбро“,
вели Мицкоски.
Тој се надева дека Град Скопје нема да остане заглавен.
„Преку советничката група ќе се бориме за што повеќе проекти, за концептот за модерно Скопје бидејќи тоа беше победнички концепт зад кој ние застанавме и зад независниот кандидат Данела Арсовска. Таа го прифати тој концепт, ние го прифативме, излеговме на избори и победивме. Преку советничката група продолжуваме со тие активности“,
додаде лидерот на ВМРО-ДПМНЕ.