Тој посочи дека затоа мора да продолжат со работата и со реализацијата на ветените проекти, бидејќи тоа ќе ги направи среќни и задоволни македонските граѓани, додавајќи дека само со работа може да се покаже колку ја сакаме државата. Говорејќи во тој контекст Мицкоски ја употреби паролата на првиот претседател на државата, покојниот Киро Глигоров – Македонија е се што имаме.
Сите градоначалници на ВМРО-ДПМНЕ имаа исклучително квалитетна година, оцени лидерот на партијата, Христијан Мицкоски на последната трибина од настанот насловен „Саем на промени што носат иднина“, која беше резервирана за заклучоци од политичкиот саем, на кој отчет за сработеното даваа градоначалниците на ВМРО-ДПМНЕ.
Мицкоски рече дека станува збор за импозатна статистика и импозантни резултати од инвестирани средства и реализирани проекти.
„365 дена импозантна статистика, импозантни резултати, повеќе од 125 милиони евра инвестирани или во фаза на инвестиции во капиталните проекти кои се реализирани од градоначалниците на ВМРО-ДПМНЕ и можам да кажам и да се заблагодарам за сето она кое што го направија и да потсетам дека тука не завршува се“,
рече Мицкоски.
Тој посочи дека во периодот кој следи мора да работат двојно повеќе за да покажат дека не се сите исти.
„Не се помируваме со малодушност, ние сме амбициозни и мотивирани, мора да го оправдаме брендот проекти ВМРО-ДПМНЕ и да им покажеме на граѓаните дека можело поинаку и дека можело секако да се биде поразличен“,
истакна лидерот на партијата.
Во обраќањето, Мицкоски посочи дека ВМРО-ДПМНЕ покажува одлични резултати и во општините каде нема градоначалници, но учествува во локалната самоуправа. Како примери ги наведен јавните претпријатија со кои раководи ВМРО-ДПМНЕ во Тетово и Куманово.
„Вреди да се напомене Тетово. Директорот на ЈП Градски паркинг во Тетово, кој компанијата ја наследи со стотици илјади евра долгови, неисплатени плати, за луѓето кои се вработени таму сега да велат дека не само што се исплатени и долговите и платите туку и се размислува за развој. Во Куманово имаме директор на ЈП Куманово гас и покрај сите предизвици со кои се соочуваме и ова јавно претпријатие бележи исклучителни резултати“,
истакна Мицкоски.
Политичкиот „Саем на промените што нисат иднина – 365 дена отчет на градоначалниците“ во Мицкоски го оцени како „историски настан кој што за прв пат се организира во Македонија на кој што подготвени и на отворен начин, избраните од народот градоначалници, даваа отчет за сработеното во изминатата година.
Мицкоски посочи дека тоа и се очекува од избраните градоначалници на ВМРО-ДПМНЕ.
„Тоа нема да го видиме од СДСМ, затоа што ВМРО-ДПМНЕ е народна партија, партија од народот и од тука го црпи нејзиниот легитимитет, додека СДСМ и нејзините градоначалници и функционери се салонски политичари кои не одговараат за сработеното или не сработеното пред народот“,
рече тој, додавајќи оти токму затоа крајот на нив (СДСМ н.з.) набргу им доаѓа.
Мицкоски посочи дека затоа мора да продолжат со работата и со реализацијата на ветените проекти, бидејќи тоа ќе ги направи среќни и задоволни македонските граѓани, додавајќи дека само со работа може да се покаже колку ја сакаме државата.
Говорејќи во тој контекст Мицкоски ја употреби паролата на првиот претседател на државата, покојниот Киро Глигоров – Македонија е се што имаме.
„Да си продолжиме со работењето, да продолжиме со реализација на ветеното, а резултатите ќе бидат тие кои што сите нас ќе не направат и не прават задоволни и среќни, затоа што Македонија е се што имаме. Да живее Македонија, да живее ВМРО-ДПМНЕ“,
порача лидерот на партијата.
Политичкиот „Саем на промени што носат иднина“ на ВМРО-ДПМНЕ се одржуваше два дена и на него учесниците говореа за сработеното на локално ниво на вкупно 12 трибини.
Настанот почна со обраќање на партискиот лидер, Мицкоски во кое тој истакна дека е здоволен од работата на градоначалниците на ВМРО-ДПМНЕ, а како најголема придобивка од изминатите 365 дена колку што управува партијата со најголем дел од општините по минатогодишната изборна победа, ја истакна „родената искра надеж“ и најави борба против, како што рече, апатијата во општеството.