За Мицкоски францускиот предлог е неприфатлив, а тој истакна и дека е чудно е тоа што се уште претставниците на македонската влада не даваат коментари, иако веќе има детали од преговарачката рамка и билатералниот протокол, кој треба да се гласа во бугарскиот парламент
Требаше досега да излезе Владата и да каже. Нема да си дозволи француската Влада и Макрон да пратат предлог и тој претходно да не го усогласат со некакви канали за комуникација. Еве јас ви кажувам од моето искуство дека тоа е невозможно. А моите информации велат дека прецизно е усогласено со каналите за комуникација во нашето Министерство за надворешни работи, изјави Мицкоски во вечерашното гостување во „ТВ24“, зборувајќи за францускиот предлог за тргање на бугарското вето.
Мицкоски посочи дека Владата не треба да молчи и треба да се разговара за предлозите, потсетувајќи и на германскиот и португалскиот предлог за решавање на спорот со Бугарија.
„Зошто никој не зборува за германскиот предлог во времето на владата на Меркел, од нивното претседателство, каде исчезна тој? Ајде да зборуваме за португалскиот предлог, кој и нашата влада го прифати, нели велеа го прифаќаме. Ајде да зборуваме за се што било порано. Зошто сега сето ова не чинело за Радев, и наеднаш ова е добар предлог, најдобар. Сега ние треба како сериозни луѓе да си го ставиме прстот на чело и да размислиме, што правиме и каде одиме? И дали треба воопшто треба да размислуваме и да губиме време или треба одма да го отфрлиме. Затоа што секојдневното тактизирање на владата значи дека овој предлог е следната преговарачка позиција и одиме нагоре што се однесува до бугарските барања. Ова не е одговорно од владата што молчи“,
вели Мицкоски.
Според него, францускиот предлог не е добар за иднината и за народот на државата.
„Јас велам дека тоа не е добро за мене, иднината на оваа држава и за мојот народ. Тоа е мојот став“,
нагласи Мицкоски.