Нудиме четири тима за да седнеме да разговараме и да помогнат од денот кога ќе седнеме да разговараме до денот кога ќе договориме избори за Македонија да излезе што помалку оштетена од сите овие кризи кои оваа влада која е неспособна не може да ги реши, изјави денеска лидерот на ВМРО-ДПМНЕ
Премиерот Димитар Ковачевски, и денеска повтори дека уцени за лидерска средба на која единствено ќе се разговара за предвремени избори не прифаќа и таква средба нема да организира
Подготвен сум за четири дена од денеска да зборуваме за сите отворени прашања како и за определување датум за одржување предвремени парламентарни избори. А без ова прашање не може да се разговара. Тие се проблемот, а решението е предвремени парламентарни избори, изјави претседателот на ВМРО-ДПМНЕ Христијан Мицкоски од Прилеп.
„Подготвен сум да зборуваме за сѐ што е актуелно и им е потребно на граѓаните, а предвремени парламентарни избори се неопходни час поскоро да се случат за да може Македонија да излезе од оваа кризна ситуација во која се наоѓа. Подготвен сум за четири дена од денеска да зборуваме за сите отворени прашања како и за определување датум за одржување предвремени парламентарни избори. А без ова прашање не може да се разговара. Тие се проблемот, а решението е предвремени парламентарни избори. Нудиме четири тима за да седнеме да разговараме и да помогнат од денот кога ќе седнеме да разговараме до денот кога ќе договориме избори за Македонија да излезе што помалку оштетена од сите овие кризи кои оваа влада која е неспособна не може да ги реши“,
изјави Мицкоски.
Денеска, одговарајќи на новинарско прашање за свикување лидерска средба со сите партии, премиерот Димитар Ковачевски, рече дека можат да разговараат со сите партии. Тој додаде дека и денеска има состаноци со претседатели на партии за унапредување на законски решенија, за справување со енергетската криза, за справување со економската криза.
Меѓутоа, како што порача и претходно, уцени не прифаќа и лидерска на која би се разговарало само за избори – ќе нема.
„Уцена со одбројувања, пет дена, четири дена, единствена точка на дневен ред, предвремени избори – таква средба не може да има. Затоа што не може да биде единствена точка – предвремени избори. ВМРО-ДПМНЕ пред скоро една година доби мандат во најголемиот дел од општините во државата. Гледате што се случува во општините. Еден проект нема“,
рече Ковачевски.
Тој вели дека неговиот став за одржување лидерска средба не е спротивен на изнесеното од коалицискиот партнер ДУИ и повтори дека треба има средба за теми кои, како што рече, се од интерес за граѓаните, а не единствена точка на дневен ред да биде предвремени избори, бидејќи избори ќе има во 2024 година.