Поранешниот претседател на Сојузот на синдикати на Македонија, Живко Митревски, денеска на прес-конференција соопшти дека Вишиот управен суд ја уважил неговата жалба за челната позиција во ССМ. Тој очекува Централниот регистар да ја спроведе одлуката на судот и да го впише како легитимен претседател на Сојузот на синдикатите.
„Се покажа дека правдата во Република Македонија функционира“,
рече Митревски на прес-конференцијата.
Митревски пред три години беше сменет од актуелниот претседател на ССМ, Дарко Димовски. Во соопштението за неговата смена од функција, од Сојузот тогаш напишаа:
„На седницата беше констатирарано дека Митревски подолг период одржува седници на Претседателството и на Советот на ССМ без потребен кворум, носи одлуки спротивни на статутот и на штета на поголемиот дел од гранските синдикати и издава имот во зградата на ССМ без одлуки на органите и телата“,
соопштија тогаш од ССМ, по што Митревски правда барал по судски пат.