Во однос на почеток на преговорите со Албанија, тој изрази надеж дека оваа пречка ќе се надмине што поскоро наведувајќи дека на крајот на француското претседателство во јуни ќе има состанок за да се надминат пречките
Претседателот на Европскиот совет, Шарл Мишел, на заедничката прес-конференција со премиерот Еди Рама во Тирана рече дека го поддржува „Отворен Балкан“ и додаде дека колку повеќе земјите од Западен Балкан се обединуваат, толку се поголеми можностите за зајакнување на економиите.
„Лично го поддржувам ’Отворен Балкан‘ и посакувам сите да се приклучат на оваа иницијатива, колку повеќе се толку поголеми ќе бидат можностите за зајакнување на економијата и приближување на Западен Балкан до ЕУ“,
рече Мишел.
Во однос на почеток на преговорите со Албанија, тој изрази надеж дека оваа пречка ќе се надмине што поскоро наведувајќи дека на крајот на француското претседателство во јуни ќе има состанок за да се надминат пречките.
„Во земјава постои нетрпение за почетокот на преговори со ЕУ, да се надмине оваа пречка и што поскоро да се започнат преговорите. Му кажав на премиерот, ќе имаме последен состанок на француското претседателство за да се реши оваа ситуација. Од срце се надевам дека во претпоследната недела од јуни ќе го направиме ова. Позицијата на премиерот е сосема разумна во овој поглед“,
рече Мишел.