До несреќата дошло кога минибус со 17 патници излетал во провалија на патот Ваљево – Бајина башта, на петнаесетина километри од Ваљево, кај браната Ровни
Една жена загина во сообраќајна несреќа кај браната Ровни, а 17 се повредени и се згрижени во Ургентниот центар, потврдуваат за српските медиуми од болницата во Ваљево. Од таму додаваат дека животите на две лица се во опасност. До несреќата дошло кога минибус со 17 патници утринава излетал во провалија на патот Ваљево – Бајина башта, на петнаесетина километри од Ваљево, кај браната Ровни.
На преостанатите 13 патници, кои се повредени, но надвор од животна опасност, им била укажана помош во болницата во Ваљево.
Неофицијалните информации се дека станува збор за пензионери од Осечина кои со минибус оделе на неделно патување.
Припадниците на Министерството за внатрешни работи во Ваљево го уапсиле Ж. М. (1959) од Осечина, поради сомнение дека сторил тешко кривично дело против безбедноста на јавниот сообраќај.
Осомничениот се товари дека денеска околу 9:50 часот со минибусот „ивеко“ во кој превезувал 18 патници предизвикал сообраќајна незгода, по што возилото се превртело по стрмна карпа.