Се очекува околу половина од американските држави да воведат ограничувања или забрани за абортус. Тринаесет веќе усвоија закони кои овозможуваат автоматска забрана на абортусот по пресудата на Врховниот суд
Милиони жени во САД ќе го изгубат легалното право на абортус, откако Врховниот суд денеска ја поништи 50-годишната пресуда со која тој се легализираше абортусот во целата земја.
Судот ја поништи значајната одлука во случајот Роу против Вејд, со која технички беше укинато федералното уставно право на абортус во САД.
Со новата одлука на американскиот Врховен суд, секоја сојузна држава ќе може самостојно да одлучува за законитоста на абортусот.
„Сметаме дека Уставот не дава право на абортус и овластувањето за регулирање на прашањето за абортусот мора да им се врати на граѓаните и нивните избрани претставници“,
се наведува во соопштението.
Како што пишува Би-би-си, се очекува околу половина од американските држави да воведат ограничувања или забрани за абортус.
Тринаесет веќе усвоија закони кои овозможуваат автоматска забрана на абортусот по пресудата на Врховниот суд.
Прогнозите на здравствената организација „Планирање семејство“ се дека 36 милиони жени да останат без право на абортус.