Претседателот на Хрватска, Зоран Милановиќ, смета дека околу 260 илјади вработени во јавниот сектор во неговата земја треба да понесат дел од товарот на актуелната криза. Тој предлага на сите да им се намалат платите за одреден процент, но на прецизен рок.
„Тоа треба да се направи што побрзо па за половина година ќе видиме каде сме. Суспензијата на работнички права никогаш не звучи добро, но има смисла ако се одреди конкретен рок“,
изјави Милановиќ.
Тој ги коментираше мерките на Владата на премиерот Андреј Пленковиќ за помош на економијата.
„Мерките се економски штит, ова е економски штит, а не стимул. Мерките ќе се менуваат во од. Важно е на оние што се економски најпогодени да им испратиме порака дека сме овде. Ним не им се доволни само ветувања и тука дојде до расчекор меѓу Владата и стопанствениците“,
рече Милановиќ.
Хрватскиот претседател смета дека државата мора секому што останал без работа да му гарантира минималец. „Ова не е време за книговодство, туку за водство. Ова е време за задолжување, владата ќе мора да понуди уште нешто, во смисла на јасност“, вели Милановиќ.