„Постојат претпоставки дека кај лицата кои ја примиле БСЖ-вакцината како што е регионот на Балканот и со Македонија каде што се дава една доза на оваа вакцина, таа дејствува како имуномодулатор и можеби дејствува на отпорност кон заболувањето ковид-19, но сепак ќе потенцирам уште еднаш дека се работи за многу рана фаза на испитување за да донесеме конкретен заклучок и да ја препорачаме како масовна мерка“, рече д-р Владимир Микиќ од Институтот за јавно здравје одговарајќи на новинарско прашање дали се точни тврдењата дека лицата кои примиле ваква вакцина имаат отпорност кон заразата со коронавирус.
„Сè уште е во рана фаза за да биде дефинитивен доказ. Ние како стручна јавност следиме и трудови и студии и препораки на референтните институции и сè што е оправдано ќе се пренесе и кај нас“, рече Микиќ на денешната прес-конференција.