РТС, пак, јави дека состанокот на ЕУ и Западен Балкан завршил нешто после 13 часот, а за прес-конференцијата наведува дека истата е одложена за покасно во текот на денот поради должината на времетраењето на Самитот
Во Брисел е откажана прес-конференцијата на лидерите на ЕУ што требаше да се одржи по Самитот ЕУ-Западен Балкан, јави дописничката на МИА од Брисел.
На прес-конференцијата требаше да говорат францускиот претседател Емануел Макрон, како актуелен претседавач со ЕУ, претседателот на Европскиот совет, Шарл Мишел, како и претседателката на Европската комисија, Урсула фон дер Лајен.
Пред почетокот на Самитот, високиот претставник на ЕУ за надворешна политика и безбедност Жозеп Борел изјави дека „денеска не е добар ден, бидејќи требаше да го започнеме пристапниот процес со две земји, но не можеме, затоа што една држава го блокира целиот процес на проширување“.
Тој изрази незадоволство поради недостигот на напредок во Бугарија во однос на отворањето на пристапните преговори со Северна Македонија и Албанија, додавајќи дека тоа покажува оти принципот на консензусот не е добро решение за носење одлуки во ЕУ.
РТС, пак, јави дека состанокот на ЕУ и Западен Балкан завршил нешто после 13 часот, а за прес-конференцијата наведува дека истата е одложена за покасно во текот на денот поради должината на времетраењето на Самитот.
Прес-конференција, пак, исто така е закажана и на премиерите на Северна Македонија и Албанија, Димитар Ковачевски и Еди Рама, и српскиот претседател Александар Вучиќ.
Photo: EPA-EFE/Mohammed Badra